الهند بدأت من شوية قصف العمق الباكستاني وضربت مواقع قريبة من العاصمة إسلام أباد بصورايخ باليستية .
قراءة المزيد
كده باكستان هترد هي كمان في العمق والحـ،،ـرب هتاخد مسار مختلف تماماً .
السيناريو المرجح حالياً هو إستمرار التصعيد، خاصة ان الطرف الفاعل وهو الولايات المتحدة رفع أيده وقال انا مليش دعوة بالحـ،،ـرب دي في إشارة لرغبته في التصعيد مع الصين، والصين هي كمان بتدعم باكستان بقوة وبتستعرض سلاحها وقوتها في المعركة دي .
المعركة حتى الآن هي معركة جوية سواء صواريخ أو طائرات ومسيرات، لكن لسه المسار البري مبدأش، لكن لو بدأ هيكون في تصعيد أكبر لأن هنا الهند هتتفوق برياً بفضل الكم العددي ونوعية السلاح وبناء عليه باكستان ممكن تتهور وتضرب سلاح تكتيكي مدمر .. وهنا يكمن الخطر الأكبر من إستخدام أسلحة نـ،،ـووية، لكنه مازال حتى اللحظة أمر مستبعد .
المرعب ان مفيش حد عنده رغبة أنه يلم الكارثة دي قبل ما تكبر.. كل الأطراف بتهز راسها بالموافقة وبتقولهم ادعكوا بعض وهاتوا اخركم .
الفكرة ان الوضع ده لو متلمش فنطاقه هيوسع وهيشمل دول تانية وقوى تانية ممكن تتدخل في الصراع .
هنشوف ونتابع .
#الوعي_نور
🔴تحديث للبوست السابق .
باكستان بدأت بالرد دلوقتي بعملية موسعة وقصفت العاصمة الهندية واستهدفت مبنى الإذاعة والتليفزيون الهندي ومواقع عسكرية ومدنية في كذا مدينة في العمق الهندي .
كده بقت حـ،،ـرب رسمي مش مجرد عمليات متبادلة في مناطق حدودية .
الموضوع هناك بيتطور بشكل سريع والمشكلة ان الاتنين أجن من بعض وسرعة رد الفعل دي تبينلك أن الضرب أعمى، يعني مفيش تقدير موقف وتخطيط لأ ... ضربونا فضربناهم ويالا ندب في بعض !
ربنا يستر والجنان ده ميوديش الكوكب كله في داهية.
#الوعي_نور
المصدر
تعليقات
إرسال تعليق