خد يا معلم ١٠٠ مليار دولار وهاتلنا شوية سلاح نحمي نفسنا بيهم لو حد ضربنا .
وبعدين خد ٥٠٠ مليار تانيين عشان تحمينا انت لو حد ضربنا .
وخد يا معلم ١٠٠ مليار عشان تجبلنا شركات عملاقة تستثمر عندنا وتوفرلنا فرص عمل .
وبعدين خد ٥٠٠ مليار تانيين عشان تسمحلنا نعمل استثمارات عندك في اقتصادك انت.
في ناس بتحاول تفهمك ان دي عبقرية وخطة جهنمية لا يراها إلا المؤمنون من أهل قريش .
صفقات السلاح للدول ذات السيادة بتكون لتأهيل الجيش للدفاع عن نفسه لحفظ الأمن القومي وعدم الحاجة لحماية خارجية تنتقص من السيادة الوطنية وتتحكم في القرار الوطني .
والاستثمار للدول ذات السيادة بيكون جذب أموال لداخل الدولة لبناء مشروعات وشركات توفر فرص عمل لمواطنيين الدولة وتوفر عملة صعبة لصالح اقتصاد الدولة .
عشان كده النموذج الأنجح والأكثر واقعية وفائدة طبقاً لظروف الزمان والمكان والتحديات والإمكانات .. هو النموذج المصري .
النموذج اللي اشترى سلاح من مصادر متنوعة عشان يحمي تراب وطنه دون قواعد أجنبية واختراق يجعلنا دولة معدومة السيادة، والنموذج اللي جذب استثمارات حقيقية بنعمل بيها مشروعات بتحققلنا معدل نمو حقيقي بيحسن اقتصادنا وبيأهل البنية التحتية بشكل أفضل عشان يخليها تجتذب استثمارات أكتر فيوفر فرص عمل أكتر ويدخلنا عملة صعبة أكتر بدون ما حد يتحكم فينا ولا في مصيرنا ... يعني بعد ٥٠ سنة محدش يقدر في غمضة عين يسحب مننا كل حاجة ويقولنا امك في العش ولا طارت ، لان كله على ارضنا مش في الهوا ومرهون بسمعنا وطاعتنا .
فبلاش المضللين يوهموكم بدونيتهم ان اللي بيحصل ده دلوقتي عبقرية لا يراها إلا المؤمنون من الأعراب .
#الوعي_نور
تعليقات
إرسال تعليق